Sürgündiki tibetler hökümet saylimi élip baridu

Sürgünde yashaydighan tibetler shenbe küni tibet sergerdan hökümitining bash ministirini saylash üchün bilet tashlaydu. Bu 1959 - yildin béri chet'elde yashap kéliwatqan tibet sergerdanlirining 2001 - yildin tartip hazirghiche sürgündiki tibet bash ministirini saylash üchün 2 - qétim bilet tashlishidur.

Tibet saylam komitétining mudiri tenzin d. Andursang tibet sergerdan hökümitining daramsaladiki qarargahida muxbirlargha " bu tibetler üchün muhim bir saylam " deydu. Uning eskertishiche, saylam yéshigha toshidighan 72 771 neper tibetlik bilet tashlash üchün tizimgha aldurghan. Nöwette köp qisimi shimaliy hindistanda yashaydighan texminen 140 mingdek tibetlik chet'elde sergerdan bolup yashimaqta. Saylam komitéti hindistan, népal, shimaliy amérika, yawropa, awstraliye, teywen qatarliq ellerde jem'iy 53 bilet sanduqi tesis qilghan.

Sürgündiki hökümetning bash ministirliqini namzatlardin sangdong rénpochi bilen juchén tupténlar talishiwatidu. Közetküchiler, sangdong rénpochining saylamda ghelibe qilish mumkinchiliki yuqiri, dep perez qilishmaqta. Sangdong rénpochi fransiye axbarat agéntliqigha " junggo asasiy qanuni boyiche xongkong we makawlargha bergen aptonomiyini bashqa az sanliq milletlerge bersimu bolidu" deydu.

Közetküchilerning eskertishiche, bu qétimqi saylam dalay lamaning siyasiy hoquqini démokratik organlargha ötküzüp bermekchi boluwatqanliqini körsitidiken. (Erkin)