Далай вәкиллири билән хитай һөкүмити давамлиқ сөһбәт өткүзүшкә келишти


2004.10.13
Share on WhatsApp
Share on WhatsApp

Тибәтләрниң сүргүндики даһиси далай ламаниң әлчиси чаршәнбә күни, далай вәкилләр өмикиниң хитайдики зиярити давамида хитай әмәлдарлири билән тибәтниң кәлгүси мәсилисидә җиддий вә очуқ сөһбәтләшкәнликини билдүрди.

Америка бирләшмә ахбарат агентлиқиниң хәвәр қилишичә, далай лама әлчиси лоди җяри (Lodi Gyari) ниң рәһбәрлигидики вәкилләр өмики йеқинда хитайға зиярәткә берип, хитай әмәлдарлири билән тибәт мәсилиси үстидә сөһбәтләшкән һәмдә икки тәрәп буниңдин кейин йәнә давамлиқ сөһбәт елип беришқа келишкән.

Лоди җяри чаршәнбә күнидики мухбирларни күтивелиш йиғинида, сөһбәт тәпсилатини ашкарилашни рәт қилған болсиму, лекин сөһбәт җәрянида икки тәрәпниң бәзи мәсилиләргә түптин охшимиған қарашта болғанлиқини етирап қилди.

Далай лама әлчиси билән хитай һөкүмити оттурисидики сөһбәт 2002 - йилидин башлап қайта әслигә кәлтүрүлгән болуп, һазирғичә икки тәрәп 3 қетим учришип болди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.