Dalay xitay bilen ötküzilighan 5‏-qétimliq söhbetning pat arida bashlinidighanliqini éytti


2006-02-12
Share

Tibetlerning diniy dahisi dalay lama yéqinda, xitay da'iriliri bilen ötküzilidighan 5‏-qétimliq söhbetning pat arida bashlinidighanliqini hemde özining bu söhbetke ümid bilen qaraydighanliqini bildürdi.

Dalay sözide, " xitay hökümiti bilen tibetning sürgündiki hökümiti yéqinqi bir nechche yillardin buyan öz-ara ishench we munasiwetni yaxshilaydighan nurghun tedbirlerni qollandi. Bu, tibetning aftonomiyige érishishige yol achti" dédi.

Dalay yene, ikki terep söhbitining toghra yönülüshke qarap kétiwatqanliqini eskertip, yéqinda élip bérilidighan 5‏- qétimliq söhbetningmu yaxshi netijilerni hasil qilishigha ishinidighanliqini éytti.

Buning aldida tibettiki 10 minggha yéqin tibetlik we 200 neper xitay ötken ay hindistan'gha bérip, dalay lamaning riyasetchiligidiki chong budda diniy yighinigha qatnashqan. Sürgündiki tibet hökümiti "xitayning tibetliklerning hindistan'gha tawap qilishigha bundaq kengchilik qilishi, ikki terep otturisidiki 5‏-qétimliq söhbetning yaxshi élip bérilidighanliqidin dérek béridu" dédi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet