Béyjing dalay lamaning xitayni ziyaret qilishigha yol qoyushi mumkin

• 
  2006-04-03

Roytérs axbarat agéntliqining xewer qilishiche, xitay döletlik diniy ishlar idarisining bashliqi yéy shyawwén eger dalay lama tibet musteqilliqidin waz kechse, junggo hökümiti uning junggoni ziyaret qilishigha yol qoyushi mumkin, dep körsetti.

Yéy shyawwén bu sözlerni xitay dölet re'isi xu jintaw 20 - april küni aq sarayda amérika prézidénti jorji bush bilen körüshmekchi boluwatqan bir chaghda tekitligen. Prézidént bush yéqinda xu jintaw bilen tibet mesilisini sözlishidighanliqini bildürgen idi. Közetküchiler, shyawwénning sözini xitay hökümitining dalay lamaning xitayni ziyaret qilish arzusigha qayturghan ijabiy inkasi, dep qarimaqta.

Dalay lama ötken ayda xitayni ziyaret qilish we bu dölettiki meshhur budda ibadetxanilirini tawab qilish arzusi barliqini hem bu arzusining béyjing da'irilirige uqturulghanliqini bildürgen idi.

Yéy shyawwén, "junggo géziti" ge "dalay lama tibet musteqilliqidin üzül - késil waz kechkenlikini aydinglashturushi kérek. Eger waz kechmise uning ziyaritini oylishishimiz mumkin emes deydu.

Daramsaladiki tibet sergerdan hökümiti yéy shyawwénning sözige "ijabiy inkas" dep baha berdi. Tibet sergerdan hökümitining tekitlishiche, meyli dalay lama yaki tibet sergerdan hökümiti tibetke musteqilliq emes, belki aptonomiye telep qilidu, dep körsetti.

Tibet sergerdan hökümitining tashqiy ishlarministiri, dalay lama musteqilliq telep qilmaydighanliqini ashkara eskertip kelmekte,dédi. Uning tekitlishiche, "ular xitay hökümitining néme üchün bu sözlerge ishenmeydighanliqining tégige yételmigen." (Erkin)