Xitay, tibet aptonom rayoni qurulghanliqining 40 yilliqini tebriklidi


2005-09-01
Share

Xitay hökümiti 1 - séntebir küni, tibet aptonom rayoni qurulghanliqining 40 yilliqini, xitay kommunist partiyisining ghelibisini köz-köz qilish we bölgünchilerni basturush heywisi bilen kütüwaldi.

Amérika birleshme agéntliqining xewer qilishche, herbiy formilirini kiygen xitay eskerliri, ilgiri tibetlerning diniy dahisi dalay lama turghan putala sariyining aldida qizil dölet bayraqlirini kötürüp parattin ötken.

Bu pa'aliyetke qatnishish üchün, xitay merkizi siyasiy biyurosining da'imiy hey'et ezasi we siyasiy kéngesh re'isi jya chinglin 52 kishilik wekiller ömikini bashlap kelgen bolup, u shinxu'a agéntliqining ziyaritini qobul qilghanda, xitay hökümitining tibetning muqimliqi we bixeterlikini saqlash üchün bölgünchi küchler üstidin dawamliq basturush élip baridighanliqini éytqan.

Xitay kommunist hökümiti tibetni 1950 - yili igiliwalghandin kéyin, tibetlerning rehbiri we diniy dahisi dalay lama 1959 -yili hindistan'gha qéchip chiqqan. Xitay hökümiti 1965 - yili 9 -ayning 1 - küni bu yerni "shizang tibet aptonom rayoni" dep atidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet