خىتاي ساقچىلىرى ، ئىككى مۇخبىر ۋە ئىككى چەتئەللىك تىبەت پائالىيەتچىسىنى قولغا ئالدى


2004.08.30
Share on WhatsApp
Share on WhatsApp

فرانسىيە ئاگېنتلىقىنىڭ بېيجىڭدىن خەۋەر قىلىشىچە ، دۈشەنبە كۈنى خىتاي ساقچىلىرى بېيجىڭدىكى بىر باغچىدا ، تىبەت مۇستەقىللىىقىغا ئىرىشمىگىچە خىتايغا ئۇلىمپىك تەنھەرىكەت يىغىنى ئۆتكۈزۈش ھۇقۇقى بىرىلمەسلىكى كىرەك دىگەن لۆزۇنكا ئاچقان ئىككى چەتئەللىك تىبەت پائالىيەتچىسى ۋە ئىككى مۇخبىر نى قولغا ئالغان .

ئاۋسترالىيە دىكى تىبەت كېڭىشىنىڭ خادىمى پال بوركە نىڭ بىلدۈرۈشىچە ، خىتاي ساقچىلىرى ئاۋستراليە ۋە ئامېركا گراژدانى بولغان ئىككى تىبەت پائالىيەتچىسىنى تۇتۇپ ، ئۇلارنىڭ پاسپورتلىرىنى مۇسادىرە قىلغان . ئۇنىڭ ئىتىشىچە ، “ تىبەت مۇستەقىلىققا ئىرىشمىگىچە ، خىتايغا ئۆلىمپىك تەنھەرىكەت يىغىنى ئۆتكۈزۈش ھۇقۇقى بېرىلمەسلىكى كىرەك دىگەن شۇئار يىزىلغان بىر لوزونكىنى ئاچقانلىغى ئۈچۈن مەزكۇر ئىككى تىبەت پائالىيەتچىسىنىڭ خىتاي ساقچىلىرى تەرىپىدىن قولغا ئىلىنغانلىغى ، خىتايدا پىكىر ۋە سۆز ئەركىنلىكىنىڭ مەۋجۇت ئەمەسلىكىنىڭ ئىسپاتى ھىساپلىنىدۇ .

تىبەت تەشكىلاتلىرىنىڭ خەۋەر قىلىشىچە، ۋەقە جەريانىدا ئەنگىلىيىدە چىقىدىغان گوۋاردىيان گېزىتىنىڭ بىر مۇخبىرى قاتارلىق ئىككى چەتئەللىك مۇخبىرىمۇ قولغا ئىلىنغان .

خەۋەرلەرگە قارىغاندا ، گىرىتسيىنىڭ پايتەختى ئاتىنادا ئۆتكۈزۈلگەن ئۆلمپىك تەنھەرىكەت يىغىنى ئاياقلىشىشى بىلەن ، -2008 يىلى بېيجىڭدا ئۆتكۈزۈلىدىغان ئۆلمپىك تەنھەرىكەت يىغىنى ئۈچۈن ئارقىغا ساناش باشلاندى بۇنىڭ بىلەن بىرگە خەلقئارا كىشىلىك ھۇقۇق تەشكىلاتىلىرىمۇ خىتايغا قاراتقان پائالىيەتلىرىنى كۈندىن - كۈنگە كۈچەيتمەكتە .(قانات)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.