Анализчилар далай лама вәкиллириниң хитайдики зияритидин үмид күтмәктә


2004.09.29

Тибәтниң диний даһийси далай ламаниң әлчилири хитайдики зияритини давамлаштурмақта. Анализчилар далай лама әлчилириниң бу қетимқи зияритиниң тибәт дәвасиниң һәл болишини илгири сүрүши мумкинликини оттуриға қоймақта.

Далай ламаниң америкида турушлуқ вәкили лодий гәрий башчилиқидики төт кишилик вәкилләр өмики 12 - сентәбир күни хитайға қаратқан үчинчи қетимлиқ зияритини башлиған иди.

Ройтерс ахбарат агентлиқиниң әнглийидики тибәт ишлири мутәхәссиси кәйит саондирс (Kate Saunders) ниң сөзини нәқил кәлтүришичә, далай лама вәкиллириниң бу қетимқи зиярити интайин муһим әһмийәткә игә икән. Чүнки уларниң илгирки икки қетимлиқ зиярити пәқәт өз ара ишәнч турғузуш басқучи болған. Бирақ бу қетим тибәтниң кәлгүсини бәлгиләйдиған муһим мәсилиләр үстидә сөһбәт илип бериши мумкин.

Һиндистанниң дарамсала районида турушлуқ тибәт сүргүндики һөкүмитиниң баянатчиси топдин зимпил, лодий гәрий башчилиқидики вәкилләр өмикиниң далай лама билән бейҗиң һөкүмити оттурисида тибәт мәсилиси бойичә әмәлий сөһбәт елип берилишиға түрткә болуватқанлиқини көрсәтти. Әмма у тибәт вәкиллириниң хитай һөкүмитиниң қайси әмәлдарлири билән көрүшкәнлики вә немә мәсилиләрни музакирә қилғанлиқини ашкарилимиди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.