Analizchilar dalay lama wekillirining xitaydiki ziyaritidin ümid kütmekte
2004.09.29
Tibetning diniy dahiysi dalay lamaning elchiliri xitaydiki ziyaritini dawamlashturmaqta. Analizchilar dalay lama elchilirining bu qétimqi ziyaritining tibet dewasining hel bolishini ilgiri sürüshi mumkinlikini otturigha qoymaqta.
Dalay lamaning amérikida turushluq wekili lodiy geriy bashchiliqidiki töt kishilik wekiller ömiki 12 - séntebir küni xitaygha qaratqan üchinchi qétimliq ziyaritini bashlighan idi.
Roytérs axbarat agéntliqining en'gliyidiki tibet ishliri mutexessisi keyit sa'ondirs (Kate Saunders) ning sözini neqil keltürishiche, dalay lama wekillirining bu qétimqi ziyariti intayin muhim ehmiyetke ige iken. Chünki ularning ilgirki ikki qétimliq ziyariti peqet öz ara ishench turghuzush basquchi bolghan. Biraq bu qétim tibetning kelgüsini belgileydighan muhim mesililer üstide söhbet ilip bérishi mumkin.
Hindistanning daramsala rayonida turushluq tibet sürgündiki hökümitining bayanatchisi topdin zimpil, lodiy geriy bashchiliqidiki wekiller ömikining dalay lama bilen béyjing hökümiti otturisida tibet mesilisi boyiche emeliy söhbet élip bérilishigha türtke boluwatqanliqini körsetti. Emma u tibet wekillirining xitay hökümitining qaysi emeldarliri bilen körüshkenliki we néme mesililerni muzakire qilghanliqini ashkarilimidi. (Arzu)
Munasiwetlik maqalilar
- Üch neper tibetlik musteqilliqni terghip qilish gumani bilen türmige tashlandi
- Dalay lama kostarikani ziyaret qildi
- Béyjing teyinligen benchen lama kommunistik partiyini medhiyilidi
- Xitay kéchikken bolsimu, tibetning paytextining en'eniwi xaraktérini qoghdashqa tirishiwatidu
- Xitay hökümiti tibette térrorchiliqqa qarshi herbiy manéwir élip bardi
- Xitay saqchiliri , ikki muxbir we ikki chet'ellik tibet pa'aliyetchisini qolgha aldi