Далай лама тибәтниң келичики һәққидә сөз қилди


2004.10.18
Share on WhatsApp
Share on WhatsApp

Тибәтниң диний даһийси далай лама, әгәр хитай һөкүмити тибәтниң мәдәнийитини қоғдашқа капаләтлик қилалиса,у һалда тибәтниң хитайниң һакимийити астида турғини пайдилиқтур дәп көрсәтти.

Далай лама дүшәнбә күни дәвр жорнилиниң зияритини қубул қилғанда, "гәрчә тибәтниң йери кәң, тәбиий байлиқи мол болсиму, әмма биздә уни ечип пайдиланғидәк пән - техника йоқ. Әгәр хитай һөкүмити бизниң мәдәнийитимизгә һөрмәт қилип, муһитимизни асрашқа капаләт қилса, тибәт хитайниң бир қисми болғинида, биз техиму көп мәнпәәткә игә болимиз" дигән.

Далай лама сөзидә йәнә, хитайдин бөлүнүшни истимәйдиғанлиқини тәкитләп, тибәтниң гүллиниши вә тибәтләрниң мәдәний әнәнилириниң қоғдилиши әмилийәттә хитай хәлқиниң мәнпәәтигиму уйғун дәп көрсәткән.

Тибәтниң диний даһиси далай лама тибәтниң мустәқиллиқини тәләп қилмайдиғанлиқини билдүрүп кәлгән болсиму, әмма хитай һөкүмити уни йәнила "бөлгүнчи" дәп әйипләйду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт