Бир тибәт язғучиси далай ламани мәдһийлигәнлики үчүн хизмитидин айрилди


2004.10.28

Баш штаби америкидики " хитай кишилик һоқоқ" тәшкилатиниң билдүрүшичә, тибәтлик даңлиқ аял язғучи осәр йеқинда өзиниң әсири сәвәбидин хизмити, өйи вә һәркәт әркинликидин айрилған.

Мәзкүр тәшкилатниң билдүришичә, хитай һөкүмәт әмәлдарлири осәрниң әсәрлиридә сиясий хаталиқ бар, тибәтниң сүргүндики диний рәһбири далай ламаниң образини гүзәлләштүргән дәп қариған. Хитай һөкүмәт даирилири йәнә униң " тибәт хатириси" дигән китабини қаттиқ әйиплигән һәмдә бу китабни чәклигән.

" Хитай кишилик һоқоқ тәшкилати"ниң билдүришичә, хитай һөкүмити йәнә осәрни тибәт будда динидин ваз кечишкә қистиған. Хитай һөкүмитиниң йәниму илгирлигән һалда бесим ишлитишидин өзини қачуруш үчүн, тибәт язғучиси осәр нөвәттә бейҗиңдики бир достиниң өйидә панаһлиниватқан икән.

" Хитай кишилик һоқоқ тәшкилати" хитай һөкүмитиниң осәргә тутқан муамилисиниң хәлқара кишилик һоқоқ қанунлири вә хитайниң асасий қануниға хилаб икәнликини билдүрүп, хитай һөкүмитини әйиплиди. Осәр хитай тилида әсәр язидиған санақлиқ тибәт язғучилириниң бири иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.