Bir tibet yazghuchisi dalay lamani medhiyligenliki üchün xizmitidin ayrildi

2004-10-28
Élxet
Pikir
Share
Print

Bash shtabi amérikidiki " xitay kishilik hoqoq" teshkilatining bildürüshiche, tibetlik dangliq ayal yazghuchi oser yéqinda özining esiri sewebidin xizmiti, öyi we herket erkinlikidin ayrilghan.

Mezkür teshkilatning bildürishiche, xitay hökümet emeldarliri oserning eserliride siyasiy xataliq bar, tibetning sürgündiki diniy rehbiri dalay lamaning obrazini güzelleshtürgen dep qarighan. Xitay hökümet da'iriliri yene uning " tibet xatirisi" digen kitabini qattiq eyipligen hemde bu kitabni chekligen.

" Xitay kishilik hoqoq teshkilati"ning bildürishiche, xitay hökümiti yene oserni tibet budda dinidin waz kéchishke qistighan. Xitay hökümitining yenimu ilgirligen halda bésim ishlitishidin özini qachurush üchün, tibet yazghuchisi oser nöwette béyjingdiki bir dostining öyide panahliniwatqan iken.

" Xitay kishilik hoqoq teshkilati" xitay hökümitining oserge tutqan mu'amilisining xelq'ara kishilik hoqoq qanunliri we xitayning asasiy qanunigha xilab ikenlikini bildürüp, xitay hökümitini eyiplidi. Oser xitay tilida eser yazidighan sanaqliq tibet yazghuchilirining biri idi. (Arzu)

Pikirler (0)
Share
Toluq bet