Tibetler, toniy blayirni tibet mesiliside béyjinggha bésim ishlitishke chaqirdi


2005.09.02

Merkizi londondiki erkin tibet herikiti teshkilati, en'giliye bash ministiri toniy blayir kéler hepte xitayda élip baridighan ziyaritini bashlashtin ilgiri bayanat élan qilip, en'giliye bash ministiridin dalay lama bilen söhbet élip bérish toghrisida béyjinggha bésim ishlitini telep qildi.

Erkin tibet herikiti, toniy blayirdin xu jintawgha dalay lama bilen körüshüsh toghrisida bésim ishlitishni telep qildi shundaqla béyjingda tibet aptonom rayoni qurulghanliqining 40 yilliqini tebriklesh üchün ütküzülgen her qandaq pa'aliyetke qatnishishtin hezer eyleshke chaqirdi.

Erkin tibet herikiti bayanatida, " blayir ependining xitaydiki jeryanida bu künni tebrikleydighan her qandaq pa'aliyetke qatnashmasliqini shundaqla uning tibet mesilisidin endishe qiliwatqanliqini eskertish toghrisida agahlandurumiz," deydu.

Shu küni xelq'ara kishilik hoquqni közütüsh teshkilati bayanat élan qilip, toniy blayirdin düshenbe küni béyjingda bashlinidighan yawropa ittipaqi - xitay bashliqlar yighinida, kishilik hoquq mesilisini muhim orun'gha qoyushni telep qildi.

Kishilik hoquqni közütüsh teshkilati bayanatida, xitay hökümiti metbu'at we söz erkinlikini basturmaqta. Ölüm jazasini keng - kölemde ijra qilip, emgek bilen özgertish jazasini üzliksiz yolgha qoymaqta. Diniy pa'aliyetlerni basturup, térorizimgha qarshi turush nami astida Uyghur musulmanlirigha zerbe bermekte, dep tekitlidi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.