تىبەت دوستلۇقى تەشكىلاتى تىبەتنىڭ مۇستەقىللىقىنى تەرغىپ قىلدى
2007.07.12
چەتئەلدىكى تىبەت تەشكىلاتلىرىدىن بىرى بولغان تىبەت دوستلۇقى تەشكىلاتى يېقىندا ھىندىستاندا يىغىن چاقىرىپ، تىبەتنىڭ مۇستەقىللىقىنى تەشەببۇس قىلدى.
تىبەت دوستلۇقى تەشكىلاتى، مەركىزى ھىندىستاندىكى تىبەت تەشكىلاتى بولۇپ، مەزكۇر تەشكىلاتنىڭ باشقا دۆلەتلەردە بىر قانچە شۆبىلىرىمۇ تەسىس قىلىنغان.
تىبەت دوستلۇقى تەشكىلاتىنىڭ يىغىنىدا سۆز قىلغان، مەشھۇر تىبەت يازغۇچىسى جايۇڭ لوبۇ ": تىبەت ئەزەلدىنلا بىر مۇستەقىل دۆلەت، 1950 - يىلى خىتاي كوممۇنىست ھۆكۈمىتىنىڭ تاجاۋۇزىغا ئۇچرىغان. بۇ ئەڭ ئاساسلىق مەسىلە بولۇپ، باشقا مەسىلىلەر 2 - ئورۇندا تۇرىدىغان مەسىلە ھېسابلىنىدۇ. كىشىلىك ھوقۇق مەسىلىسى، تىبەتنىڭ دىنىي ئەركىنلىكىنىڭ باستۇرۇلۇشى، تىبەتنىڭ مۇھىت مەسىلىسى قاتارلىقلارنىڭ ھەممىسى كېيىنكى مەسىلىلەر، ئەڭ مۇھىمى تىبەت ئەسلىدە بىر ئەركىن مۇستەقىل دۆلەت ئىدى" دېدى.
بىر قانچە يىللاردىن بۇيان، دالاي لاما باشچىلىقىدىكى تىبەتنىڭ سۈرگۈندىكى ھۆكۈمىتى ئىزچىل تۈردە بېيجىڭ بىلەن سۆھبەت ئۆتكۈزۈپ كەلدى. دالاي لامانىڭ ئالاھىدە ۋەكىلى لودى گەرى ئۆتكەن ھەپتە خىتايدا زىيارەتتە بولۇپ، خىتاي ھۆكۈمەت خادىملىرى بىلەن 6 - قېتىملىق سۆھبىتىنى ئېلىپ باردى.
جايۇڭ لوبۇنىڭ ئېيتىشىچە، دالاي لاما ۋەكىللىرىنىڭ بېيجىڭ تەرەپ بىلەن ئېلىپ بارغان سۆھبىتىدە ھېچقانداق نەتىجە كۆرۈلمىگەنلىكى ئۈچۈن، تىبەتنىڭ مۈستەقىللىق مەسىلىسىنى كۆتىرىپ چىقىپ، تىبەت ھەرىكىتىدە بىر قوزغىلىش پەيدا قىلىش ئارقىلىق تىبەتنى ۋە دۇنيانىڭ ھەرقايسى جايلىرىدىكى تىبەتلەرنى " مۈستەقىللىق" نىشانى ئۈچۈن تىرىشچانلىق كۆرسىتىشكە يۈزلەندۈرۈش كېرەك ئىكەن. (ئەقىدە)
مۇناسىۋەتلىك ماقالىلار
- خىتاي-تىبەت سۆھبىتى نازۇك مەسىلىلەر باسقۇچىغا كىرگەن
- دالاي لاما ۋەكىللىرى شاڭخەيگە يېتىپ باردى
- دالاي لاما ۋەكىللەر ئۆمىكى جۈمە كۈنى خىتاينى زىيارەت قىلماقچى
- خىتاي دائىرىلىرى ساقچىلار بىلەن توقۇنۇشقان تىبەتلەرنى باستۇرۇپ تىنجىتقان
- خىتاي ھۆكۈمىتى بەلگىلىگەن تېبەت ئاپتونوم رايون رەئىسى، دالاي لامانىڭ تولۇق ئاپتونومىيە تەلىپىگە قارشى تۇرماقتا
- تىبەتنىڭ دىنىي داھىسى دالاي لاما سەيشەنبە كۈنى يېڭى زېلاندىيىدە زىيارەتتە بولدى
- ئاۋسترالىيە بېيجىڭ ھۆكۈمىتىنىڭ دالايلامانىڭ زىيارىتىنى قۇبۇل قىلماسلىق تەلىپىنى رەت قىلدى
- دالاي لاما تىبەت مەدىنىيىتىنىڭ 15 يىل ئىچىدە زاۋاللىققا يۈز تۇتىدىغانلىقىنى ئاگاھلاندۇردى
- خىتاينىڭ تىبەتتىكى ئەمەلدارى دالاي لامانى بۆلگۈنچىلىك ھەرىكەتلىرىگە چاتتى