سۈرگۈندىكى تىبەت ياشلىرىنىڭ خىتايغا قارشى ئاشلىق ئېلان قىلىشى16- كۈنىگە قەدەم قويدى


2007-07-24
Share

رادىئومىزنىڭ يېڭى دېھلىدىن ئىگە بولغان مەلۇماتىغا ئاساسلانغاندا ، سۈرگۈندىكى تىبەت ياشلىرىنىڭ تەشكىلاتى بولغان تىبەت ياشلار قۇرۇلتېيى قوزغىغان خىتاي ھۆكۈمىتىگە قارشى ئاشلىق ئېلان قىلىش ھەرىكىتى سەيشەنبە كۈنى16 - كۈنىگە قەدەم قويدى.

مەركىزى ئاخبارات ئاگېنتلىقىنىڭ خەۋىرىدە كۆرسىتىلىشىچە، ئاشلىق ئېلان قىلىشقا قاتناشقانلار ئىككى نەپەر ئايالنى ئۆز ئىچىگە ئالغان 14 نەپەر تىبەتلەر بولۇپ ، ئۇلارنىڭ يېشى 26 ياشتىن 75 ياشقىچە ئىكەن.

تىبەت ياشلار قۇرۇلتېيى رەئىسى تەنزىن گېيچى تېسوڭنىڭ بىلدۈرۈشىچە ، قەرەلسىز ئاچلىق ئېلان قىلىش ، تىبەت ياشلار قۇرۇلتېيى تەرىپىدىن ئېلىپ بېرىلىۋاتقان كەڭ كۆلەملىك نامايىش پائالىيىتىنىڭ بىر قىسمى بولۇپ ،ئۇلار بېيجىڭ ھۆكۈمىتىدىن تىبەت كىشىلىك ھوقوق مەسىلىسىگە جاۋاب بېرىش، دالاي لاما بەلگىلىگەن11 - بەنچەن لامانىڭ خەۋىرىنى بېرىش، چىڭ ‏- زاڭ تۆمۈر يولىنىڭ تىبەت خەلقىگە قانداق مەنپەئەت بېرىدىغانلىقىغا جاۋاب بېرىش، تىبەت ۋەكىللىرى ئۆمىكىنى 2008 ‏- بېيجىڭ ئولىمپىك يىغىنىغا كىرگۈزۈش قاتارلىقلارنى تەلەپ قىلماقتا ئىكەن.

سۈرگۈندىكى تىبەت ھۆكۈمىتى گەرچە ئاچلىق ئېلان قىلغانلارنى ئاچلىقنى توختىتىشقا دەۋەت قىلغان بولسىمۇ ، ئاچلىق ئېلان قىلغۇچىلار بىردەك خىتاي ھۆكۈمىتى تەلەپلىرىمىزنى قوبۇل قىلمىغىچە ئاچلىقنى داۋاملاشتۇرىدىغانلىقىنى ئىپادىلىگەن. (گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت