Jorj bush dalay lamani aq sarayda kütüwaldi


2005-11-10
Share

Amérika prézidénti jorj bush xitay hökümitining naraziliqigha qarimastin, amérikini ziyaret qiliwatqan tibetning diniy we meniwiy dahisi dalay lamani aq sarayda kütüwaldi.

Roytirs agéntliqining xewirige qarighanda, jurj bush we uning xanimi lora bush charshenbe küni kechte dalay lama bilen uchrashqan. Emma ularning söhbitining mezmuni élan qilinmighan. Bu dalay lamaning prézidént bush bilen 3 - qétim uchrishishi bolup hisablinidu.

Prézidént bushning kiler hepte xitaygha qilidighan ziyaritining harpisida, dalay lamani kütiwélishi, xitayning qattiq naraziliqini qozghidi. Xitay tashqi ishlar ministirliqi peyshenbe küni bayanat élan qilip, " biz her qandaq dölet rehberlirining dalay lama bilen körishishige qarshi turimiz. Ular dalay lamaning bölgünchilik pa'aliyetlirige sehne yaritip bermesliki kérek" dédi.

Emma xitay tashqi ishlar ministirliqi, amérika bilen xitayning diniy erkinlik, kishilik hoquq we tibet mesililiridiki ixtilablirining , prézidént jorj bushning xitay ziyaritige tosqunluq qilmaydighanliqini körsetti.

Tibetning diniy dahisi dalay lama düshenbe küni améridiki ziyaritini bashlighan . U seyshenbe küni washin'gtonda amérikidiki alimlar bilen ötküzgen yighinda, gerche öz wekillirining xitay da'iriliri bilen töt qétim söhbet ötküzüp öz - ara ishench ornitishqa tirishqan bolsimu, xitay hökümitining tibettiki basturush siyasitide yaxshilinish bolmighanliqini bildürgen. Dalay lamaning amérikidiki ziyariti 10 kün dawam qilidu. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet