Bir qanche tibetlik xitay eskerliri teripidin étip öltürüldi

Katmanduda turushluq tibet panahlan'ghuchilar merkizi peyshenbe küni, az dégende ikki tibetlikning ötken shenbe küni, tibettin népalgha qéchip kétiwatqanda xitay chégra eskerliri teripidin étip öltürülgenlikini we bir qanche ademning yarilandurulghanliqini bildürdi.

Nenxu'a etigenlik gézitide xewer qilinishiche, mezkür weqe jumalangma choqqisidiki bir éghizda yüz bergen , tibet panahlan'ghuchilar merkizi xadimining éytishiche, 42 adem tibettin népalgha qéchip kirmekchi bolghanda xitay eskerliri teripidin oqqa tutulghan. Qachqanlar arisida yashan'ghanlar , ayallar we balilar bar iken.

Royétirs agéntliqining bu heqte bergen xewirige qarighanda, népal xadimlirining bu weqedin xewiri yoq iken. Bu arida tibet herikiti teshkilati bayanat élan qilip, népal hökümitidin we birleshken döletler teshkilati panahlan'ghuchilargha mes'ul xadimliridin bu weqe üstide tekshürüsh élip bérishini telep qildi.