Xitayning bésimigha uchrighan tibet güzili öz menpe'etidin waz kechti


2007-12-06
Share

22 Yashliq " tibet güzili" zi rénjingda " junggu tibet güzili " dégen nam bilen güzellik musabiqisige qatnishishni ret qildi. Malaysiyada ötküzülmekchi bolghan güzellik musabiqisige qatnishishtin chékinip chiqqan zi rénjingda, peyshenbe küni yéngi déhlida muxbirlargha ":tibet hazirgha qeder jongguning mustemlikisi astida, erkinlikke érishkini yoq, shunga men "junggu tibet güzili" dégen nam bilen musabiqige qatnishishni hergiz qobul qilmaymen" dédi.

Zi rénjingdaning bildürüshiche, musabiqe oyushturghuchilar junggu terepning bésimi astida uningdin, ikki yoldin birini talliwélishini, biri "junggu tibet güzili" dep yézilghan sherep lewhesini boynigha ésip sehnige chiqishini, yene biri musabiqige qatnishishtin waz kéchishni telep qilghan, zi rénjingda sözide yene, özining bundaq siyasiy bésim bilen mezkür musabiqige qatnashmaydighanliqini tekitlidi.

Ilgiri hindistanning daramsala shehiride ötküzülgen güzellik musabiqisige qatniship, " tibet güzili" saylan'ghan zi rénjingda malaysiyada "xelq'ara sayahet güzili " musabiqisige qatnishish imtiyazigha érishken idi.

Tibet siyasiy pa'aliyetchiliri, özlirining zi rénjingdadin pexirlinidighanliqini eskertip, barliq tibet yashlirida bu xil rohning urghushini teshebbus qildi.

Bu arida tibetning diniy dahisi dalay lama, italiyide élip baridighan 11 künlük ziyaritini bashliwetti. Gerche dalay lamaning italiye hökümet xadimliri hemde rim papasi bilen körüshmeydighanliqi ilgiri sürülgen bolsimu, biraq közetküchiler uning her qaysi hökümetsiz teshkilatlar we diniy erbablar bilen körüshidighanliqini perez qilishmaqta.

Xitay terep izchil türde özi bilen diplomatik munasiwet qurghan döletlerning meyli qaysi xil shekilde bolsun, dalay lamaning ziyaritini qobul qilghanliqidin qattiq narazi bolup kelmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet