تىبەت مالچى، ھۆكۈمەتنى ئاغدۇرۇش جىنايىتى بىلەن ئەيىبلەندى


2007-11-09
Share

بۇ يىل ئاۋغۇستتا سىچۇەندە قولغا ئېلىنغان تىبەت مالچى ھۆكۈمەتنى پارچىلاش ۋە ئاغدۇرمىچىلىق جىنايىتى بىلەن ئەيىبلەنگەن بولۇپ، كىشىلىك ھوقۇق تەشكىلاتىنىڭ بىلدۈرۈشىچە، خىتاي ھۆكۈمىتى مەزكۇر مالچىغا ئارتقان گۇناھلارنىڭ ھەممىسى تۆھمەت ئىكەن.

تىبەتلىك مالچى روڭگيال ئارداق، دىنىي ئەركىنلىكنى تەلەپ قىلغان ۋە خىتاي ھۆكۈمىتىدىن دالاي لامانىڭ خىتاينى زىيارەت قىلىشىغا يول قويۇشنى تەلەپ قىلغانلىقى ئۈچۈن سىچۇەن ئۆلكىسىدە بۇ يىل ئاۋغۇستتا قولغا ئېلىنغان ئىدى.

باش شتابى نيۇيوركقا جايلاشقان كىشىلىك ھوقۇقنى كۆزىتىش تەشكىلاتىنىڭ بىلدۈرۈشىچە، ئارداق ئۇزۇنغا قالماي جازاغا تارتىلىدىكەن.

ئارداق سىچۈەن ئۆلكىسىنىڭ تىبەتكە قوشنا رايونى، گېزى ۋىلايىتىدىن بولۇپ، ئۇ بۇ يىل ئاۋغۇستتا لىڭ تان يېزىسىدا ئېلىپ بېرىلىۋاتقان ئات بەيگىسىدە قولغا ئېلىنغان ئىدى.

مەلۇم بولۇشىچە، شۇ قېتىملىق ئات بەيگىسىدە ئارداق سەھنىگە يامىشىپ چىقىپ دالاي لامانىڭ قايتىپ كېلىشىنى ۋە تىبەت مىللىي ھوقۇقىنى تەلەپ قىلىپ تۈرمىگە كىرىپ قالغان ئىككى تىبەتلىك راھىبنى قويۇۋېتىشنى تەلەپ قىلىپ شوئار تولغان ئىكەن. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت