Tibet malchi, hökümetni aghdurush jinayiti bilen eyiblendi


2007-11-09
Share

Bu yil awghustta sichu'ende qolgha élin'ghan tibet malchi hökümetni parchilash we aghdurmichiliq jinayiti bilen eyiblen'gen bolup, kishilik hoquq teshkilatining bildürüshiche, xitay hökümiti mezkur malchigha artqan gunahlarning hemmisi töhmet iken.

Tibetlik malchi ronggyal ardaq, diniy erkinlikni telep qilghan we xitay hökümitidin dalay lamaning xitayni ziyaret qilishigha yol qoyushni telep qilghanliqi üchün sichu'en ölkiside bu yil awghustta qolgha élin'ghan idi.

Bash shtabi nyuyorkqa jaylashqan kishilik hoquqni közitish teshkilatining bildürüshiche, ardaq uzun'gha qalmay jazagha tartilidiken.

Ardaq sichüen ölkisining tibetke qoshna rayoni, gézi wilayitidin bolup, u bu yil awghustta ling tan yézisida élip bériliwatqan at beygiside qolgha élin'ghan idi.

Melum bolushiche, shu qétimliq at beygiside ardaq sehnige yamiship chiqip dalay lamaning qaytip kélishini we tibet milliy hoquqini telep qilip türmige kirip qalghan ikki tibetlik rahibni qoyuwétishni telep qilip sho'ar tolghan iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet