سىچۈەندىكى گۇمانلىق ئۆت كېتىش ۋەقەسىدە خەلق قۇرۇلتىيى بىناسى كۆيۈپ كۈل بولدى


2005-01-04
Share

سىچۈەن ئۆلكىسىنىڭ ئاساسەن تىبەتلىكلەر ئولتۇراقلاشقان كارزە ۋىلايىتىدىكى خەلق قۇرۇلتىيى بىناسىغا ئۆت كېتىپ، بىنا پۈتۈنلەي ۋەيران بولغان . ئوت كېتىش سەۋەبى تېخى ئېنىقلانمىغان . لېكىن كارزە ۋىلايەتلىك ھۆكۈمەت ئەمەلدارلىرىنىڭ بىلدۈرۈشىچە، خىتاي ھاكىمىيىتىگە قارشى بولغان تىبەتلىكلەر بىناغا ئوت قويۇپ بەرگەن بولۇشى مۇمكىن ئىكەن . ئەمما ئۇلارنىڭ ئېيتىشىچە، ھازىرغە قەدەر ھېچكىم قولغا ئېلىنمىغان.

ئەركىن ئاسىيا رادىئوسىنىڭ ۋەقە ھەققىدىكى سۇئاللىرىغا جاۋاپ بەرگەن خىتاي ساقچى دائىرىلىرى، ئۆت كېتىش ۋەقەسىنىڭ يۈز بەرگەنلىكىنى ئېتىراپ قىلدى . لېكىن ئۇلار ۋەقە توغرىسىدا تەپسىلى مەلۇمات بېرىشتىن ئۆزىنى قاچۇردى .

ئوت كىتىش ۋەقەسىنىڭ ئىسمىنى ئاشكارىلاشنى خالىمىغان بىر شاھىدىنىڭ ئەركىن ئاسىيا رادىئوسىغا بىلدۈرۈشىچە، كارزە ۋىلايەتلىك خەلق قۇرۇلتىيى بىناسىغا ئوت كىتىش ۋەقەسى 12 - ئاينىڭ 23 - كۈنى يىرىم كىچە سائەت 1 بىلەن 2 ئارىسىدا يۈز بەرگەن .

خەۋەرلەرگە قارىغاندا، مەزكۇر رايوندا يىقىندىن بىرى تىبەتنىڭ مۇستەقىللىقىنى قوللاپ يېزىلغان تەشۋىقات ۋاراقلىرى تارقىلىشقا باشلىغان . ھەتتا خەلق قۇرۇلتىيى بىناسىغا يېقىن بىر جايغا جايلاشقان بۇددا ئىبادەتخانىلىرىدىمۇ تىبەت مۇستەقىللىقىنى قوللايدىغان تەشۋىقات ۋاراقلىرى تارقىتىلغان. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت