Сичүәндики гуманлиқ өт кетиш вәқәсидә хәлқ қурултийи бинаси көйүп күл болди

Сичүән өлкисиниң асасән тибәтликләр олтурақлашқан карзә вилайитидики хәлқ қурултийи бинасиға өт кетип, бина пүтүнләй вәйран болған . От кетиш сәвәби техи ениқланмиған . Лекин карзә вилайәтлик һөкүмәт әмәлдарлириниң билдүрүшичә, хитай һакимийитигә қарши болған тибәтликләр бинаға от қоюп бәргән болуши мумкин икән . Әмма уларниң ейтишичә, һазирғә қәдәр һечким қолға елинмиған.

Әркин асия радиосиниң вәқә һәққидики суаллириға җавап бәргән хитай сақчи даирилири, өт кетиш вәқәсиниң йүз бәргәнликини етирап қилди . Лекин улар вәқә тоғрисида тәпсили мәлумат бериштин өзини қачурди .

От китиш вәқәсиниң исмини ашкарилашни халимиған бир шаһидиниң әркин асия радиосиға билдүрүшичә, карзә вилайәтлик хәлқ қурултийи бинасиға от китиш вәқәси 12 - айниң 23 - күни йирим кичә саәт 1 билән 2 арисида йүз бәргән .

Хәвәрләргә қариғанда, мәзкур районда йиқиндин бири тибәтниң мустәқиллиқини қоллап йезилған тәшвиқат варақлири тарқилишқа башлиған . Һәтта хәлқ қурултийи бинасиға йеқин бир җайға җайлашқан будда ибадәтханилиридиму тибәт мустәқиллиқини қоллайдиған тәшвиқат варақлири тарқитилған. (Әқидә)