B d t xadimi népaldiki tibetlerni amérikigha yötkep kélish üchün söhbetleshmekte

Nöwette , birleshken döletler teshkilatining, köchmenler ishlirigha mes'ul aliy derijilik xadimi katmanduda munasiwetlik da'iriler bilen, 5 ming tibet köchmenlirini amérikigha yötkesh mesili'isi üstide söhbet ötküzmekte.

Bu arida xitay, mezkür tibet sürgünlirini amrikigha yötkesh mesilisge alahide köngül bölüwatqanliqini bildürdi.

Amérika, 2005 ‏- yilining otturilirida népalda sürgünde yashawatqan 5 ming tibetlikni amérikigha köchürüp kélip, yerleshtürüshni otturigha qoyghan idi, xelq'ara tibet herikiti teshkilatining bildürüshiche, amérika bilen népal munasiwitining jiddiylishishi tüpeyli, mezkür programma waqtida béjirilmigen. Hazir népalda 20 ming tibet sürgüni yashaydu.

Népal metbu'atlirining bildürüshiche, xitay , népal hökümitining tibetliklerni amérikigha yötkishige qarshi bolup, xitay da'iriliri tashqi ishlar mu'awin ministiri wu dawéy bashchiliqidiki bir wekiller ömikini, mushu ayning 27 ‏- küni katmandugha ziyaretke ewetidiken. 5 Ming tibetlikni amérikigha yötkesh mesilisi, del mezkür wekiller ömiki ziyaritining asasliq kün tertipi hésablinidiken.

Sürgündiki tibet hökümitining axbarat mes'uli": amérikidiki tibetlikler, aktipliq bilen siyasiy pa'aliyetlerge qatnishidu, bolupmu xitay rehberliri amérikini ziyaret qilghanda, naraziliq namayishliri élip bérip, xitayning yüzini tökidu, shunga xitay hökümiti téximu köp tibetliklerning amérikigha kélip yashishini xalimaydu" dédi. (Eqide)