Б д т хадими непалдики тибәтләрни америкиға йөткәп келиш үчүн сөһбәтләшмәктә

• 
  2006-07-20

Нөвәттә , бирләшкән дөләтләр тәшкилатиниң, көчмәнләр ишлириға мәсул алий дәриҗилик хадими катмандуда мунасивәтлик даириләр билән, 5 миң тибәт көчмәнлирини америкиға йөткәш мәсилииси үстидә сөһбәт өткүзмәктә.

Бу арида хитай, мәзкүр тибәт сүргүнлирини амрикиға йөткәш мәсилисгә алаһидә көңүл бөлүватқанлиқини билдүрди.

Америка, 2005 ‏- йилиниң оттурилирида непалда сүргүндә яшаватқан 5 миң тибәтликни америкиға көчүрүп келип, йәрләштүрүшни оттуриға қойған иди, хәлқара тибәт һәрикити тәшкилатиниң билдүрүшичә, америка билән непал мунасивитиниң җиддийлишиши түпәйли, мәзкүр программа вақтида беҗирилмигән. Һазир непалда 20 миң тибәт сүргүни яшайду.

Непал мәтбуатлириниң билдүрүшичә, хитай , непал һөкүмитиниң тибәтликләрни америкиға йөткишигә қарши болуп, хитай даирилири ташқи ишлар муавин министири ву давей башчилиқидики бир вәкилләр өмикини, мушу айниң 27 ‏- күни катмандуға зиярәткә әвәтидикән. 5 Миң тибәтликни америкиға йөткәш мәсилиси, дәл мәзкүр вәкилләр өмики зияритиниң асаслиқ күн тәртипи һесаблинидикән.

Сүргүндики тибәт һөкүмитиниң ахбарат мәсули": америкидики тибәтликләр, актиплиқ билән сиясий паалийәтләргә қатнишиду, болупму хитай рәһбәрлири америкини зиярәт қилғанда, наразилиқ намайишлири елип берип, хитайниң йүзини төкиду, шуңа хитай һөкүмити техиму көп тибәтликләрниң америкиға келип яшишини халимайду" деди. (Әқидә)