Америка кеңәш палатаси хитайдин тибәт раһибини қоюп беришни тәләп қилди


2004.12.08

Америка кеңәш палатаси чаршәнбә күни хитайдин өлүм җазаси берилгән тибәт раһибини қоюп беришни тәләп қилидиған қарар лайиһисини мақуллиди.

Америка бирләшмә агентлиқиниң хәвиригә қариғанда, америка кеңәш палата әзаси сәм бронбәк бу һәқтә баянат елан қилип, "уларниң бирдин-бир җинайити тибәт җәмийити үчүн тинч йол билән диний җәһәттин хизмәт қилғанлиқи һесаблиниду" деди.

Бронбәк әпәнди сөзидә йәнә, һазир хитай һөкүмитиниң, хитайниң бесевелишиға қаршилиғини тинч йол билән ипадиләватқан гунаһсиз тибәтлик диний затларни җазалашни тохтитидиған вақти кәлгәнликини билдүрди.

Хитай һөкүмити 2002 - йили 12 - айда тибәт раһиби 52 яшлиқ тензин ринпочи билән 28 яшлиқ лобсаң дондупни сичуәнниң гәнзи дигән йеридә партлитиш садир қилған дәп әйипләп өлүм җазасиға һөкүм қилған иди. Шундақла лобсаң дондопни 2003 - йили 1 - айда етип, тензин ринпочиниң өлүм җазасини икки йил кечиктүрүп иҗра қилишни һөкүм қилди.

Һәмдә мушу айниң беши, тибәтләрниң диний даһиси далай лама хитай һөкүмитини өлүм җазаси берилгән тибәт раһибиниң һаятини сақлап қелишқа чақирған иди.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.