Amérika kéngesh palatasi xitaydin tibet rahibini qoyup bérishni telep qildi


2004-12-08
Share

Amérika kéngesh palatasi charshenbe küni xitaydin ölüm jazasi bérilgen tibet rahibini qoyup bérishni telep qilidighan qarar layihisini maqullidi.

Amérika birleshme agéntliqining xewirige qarighanda, amérika kéngesh palata ezasi sem bronbek bu heqte bayanat élan qilip, "ularning birdin-bir jinayiti tibet jem'iyiti üchün tinch yol bilen diniy jehettin xizmet qilghanliqi hésablinidu" dédi.

Bronbek ependi sözide yene, hazir xitay hökümitining, xitayning béséwélishigha qarshilighini tinch yol bilen ipadilewatqan gunahsiz tibetlik diniy zatlarni jazalashni toxtitidighan waqti kelgenlikini bildürdi.

Xitay hökümiti 2002 - yili 12 - ayda tibet rahibi 52 yashliq ténzin rinpochi bilen 28 yashliq lobsang dondupni sichu'enning genzi digen yéride partlitish sadir qilghan dep eyiplep ölüm jazasigha höküm qilghan idi. Shundaqla lobsang dondopni 2003 - yili 1 - ayda étip, ténzin rinpochining ölüm jazasini ikki yil kéchiktürüp ijra qilishni höküm qildi.

Hemde mushu ayning béshi, tibetlerning diniy dahisi dalay lama xitay hökümitini ölüm jazasi bérilgen tibet rahibining hayatini saqlap qélishqa chaqirghan idi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.