Tibetler bilen xitay amanliq qisimliri chingxeyde toqunushti


2005-06-02
Share

Yerlik hökümet emeldarlirining xiyanetchilikige qarshi namayish ötküzgen chingxeyning zado nahiyisidiki nechche minglighan tibetler, xitay saqchi qisimliri bilen toqunushti.

Erkin asiya radi'osi tibet bölümining igilishiche, weqe 5 - ayning 20 we 21 - künliri yüz bergen. Toqunushta yerlik hökümet binasining bezi ishxanilirigha ot qoyuwétilgen hemde étishish yüz bergen. Emma toqunushta ademning ziyan- zexmetke uchrighan - uchrimighanliqi heqqide éniq melumat yoq.

Zado nahiyisidiki ismini ashkarilashni xalimaydighan bir hökümet emeldari bundaq bir toqunushning bolghanliqini étirap qilghan. Biraq u weqeni "jiddiy emes" dep teswirligen.

Tibet bölümimizning yerlik puqralardin igilishiche, toqunush, zado nahiyisidiki hökümet emeldarlirining xiyanetchilikidin kélip chiqqan. Ular xoshna tibet rayonlirida qimmetlik dora ösümlükini yighishni xalaydighan yerlik tibetlerdin 1500 yü'en baj alghan. Emma yighilghan pulning köp qismini hökümetke tapshurmighan. Bir nechche tibetlik dora ösümlüki térimaqchi bolghinida, yerlik hökümet emeldarliri ularni chekligen hemde ularning pulini qayturup bérishning ornigha saqchilarni chaqirip, tibetlerni basturghan. Buning bilen zado wilayitidiki nechche minglighan tibetler saqchilar bilen toqunushqan.

Zado nahiyisi tewe bolghan chingxeyning yushu wilayitidiki ahalilerning 98٪ i tibetler. Biraq bu wilayet xitay kompartiyisining hakimiyitide chingxey ölkisining tewelikige bölün'gen. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet