Chégrisiz muxbirlar teshkilati biterep közetküchilerning tibette tekshürüsh élip bérishini telep qildi


2008-03-20
Share

Xitay hökümiti, tibetlerning naraziliq heriketlirining bashqa jaylargha kéngiyip kétishining shuningdek tibette yüz bériwatqan weziyetning dunyagha ashkarilinip kétishining aldini élish üchün, tibetler yashawatqan barliq rayonlargha qaratqan kontrolluqini izchil kücheytmekte.

Chégrisiz muxbirlar teshkilati peyshenbe küni, xitay da'irilirining her xil wastilarni qollinip, chet'el muxbirlirining tibet weziyiti heqqide xewer élan qilishigha qaratqan tosqunluqliri üstidin qattiq naraziliq bildürüsh bilen birge, tibettiki basturmichiliq qilmishigha xatime bérishini telep qildi.

Chégrisiz muxbirlar teshkilati yene, birleshken döletler teshkilatidin xitay hökümitining tibetke kirishi cheklen'gen muxbirlarning tibetke kirishige yol qoyushi hemde biterep közetküchilerning tibette tekshürüsh élip bérishi heqqide tedbir élishini telep qildi.

Tibette ötken hepte, xitay hökümitige qarshi ténchliq namayishi qozghalghan bolup, xitayning qoralliq basturushigha naraziliq bildürgen tibetler ténchliq bilen bashlighan herikitini topilanggha aylandurdi. Xitay da'iriliri ötken jüme küni lxasada yüz bergen topilangda az dégende 16 ademning öltürülgenlikini bildürgen idi, biraq sürgündiki tibet hökümiti az dégende 100 ademning xitay eskerliri teripidin étip öltürülgenlikini tekitlimekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet