Xitaydiki namayishchilar yaponiyidin dalay lamagha wiza bermeslikni telep qildi

2004-12-30
Élxet
Pikir
Share
Print

Xitaydiki bir qisim namayishichilar peyshenbe küni yaponiyining béyjingdiki elchixanisi aldida namayish ötküzüp, yaponiye hökümitidin tibetning diniy dahiysi dalay lamagha wéza bermeslikni telep qildi. Hemde yaponiyining sabiq teywen prizédénti li dingxüyge wéza bergenlikige naraziliq bildürdi.

Amérika birleshme axbarat agéntliqining xewirige qarighanda, 40 tin artuq kishi namayish jeryanida li dingxüyning süritini ot quyup köydürgen.

Ezeldin her xil namayishchilargha taqet qilalmaydighan xitay hökümiti , bu qétimqi namayishqa yol qoyghan. Xitay tashqi ishlar ministirliqi peyshenbe künidiki bayanatida, "xitay terep, li dingxüyning yaponiyidiki ziyaritini yéqindin köziwatidu" dep bildürgen. Hemde yaponiye hökümitining dalay lamaning yaponiye ziyariti heqqidiki xewerni chüshendürishini telep qilghan.

Yéqinda yaponiyining, musteqilliqni yaqlaydighan sabiq teywen pérzidénti li dingxüyning ziyaritige yol qoyushi we yaponiye bash ministiri koyzomining tokyodiki urush qehrimanliri qewristanliqini ziyaret qilishi sewebidin , ikki dölet munasiwiti yirikleshken idi.

Yaponiye hökümiti xitaygha qarshiliqigha qarimastin, teywenning sabiq prézidénti li dingxüyge wéza béripla qalmastin, yene tibetning diniy dahisi dalay lamagha wéza bérishni oylishiwatqanliqini bildürgen. Xewerlerge qarighanda, dalay lama kiler yili 4 - ayda yaponiyini ziyaret qilishni pilanlimaqta. (Arzu)

Pikirler (0)
Share
Toluq bet