Хитай һөкүмити, далай ламаниң йеқин кәлгүсидә тибәткә қайтиш мумкинчилики барлиқини чәткә қақти


2005.07.05
Share on WhatsApp
Share on WhatsApp

Хитайлар билән тибәтләр оттурисида мәхпий сөһбәт елип берилған шундақла далай лама туғулғанлиқинишң 70 йиллиқи хатирлиниватқан бир чағда, хитай һөкүмити сәйшәнбә күни баянат елан қилип, далай ламаниң йеқин кәлгүсидә тибәткә қайтиш мумкинчиликиниң бишарити йоқлиқини билдүрди.

Хитай ташқи ишлар министири лю җйәнчав, далай ламаға қоюлған шәртләрдә өзгириш болмиғанлиқини әскәртип, " у тибәт билән тәйвәнни җоңгониң бир қисими, дәп етирап қилғандила, мәркизи һөкүмәт униң келәчиги тоғрисида сөһбәт өткүзиду," деди. Шу күни дарамсаладики тибәт сәргәрдан һөкүмитиниң баш министири саңдом ренпочи, далай ламаниң һаят чеғида тибәткә қайтиш мумкинчилики бар, дәп тәкитлигән.

Далай лама чаршәнбә күни 70 яшқа кириду. Хитай һөкүмити 6 - айниң 30 вә 7 - айниң 1 - күнлири далай ламаниң вәкиллири билән шивитсарийидә мәхпий сөһбәт өткүзгән.

Лю җйәнчав, сөһбәтниң тәпсилати һәққидә тохталмиди. Әмма у, " йеқинда мәркизи һөкүмәттики алақидар даириләр далай ламаға йеқин кишиләрни өз ичигә алған бәзи тибәтликләр билән учришип, уларниң үмид вә тәләплирини аңлиди," дәп көрсәтти.

Хитай вәкилләр өмикигә мәркизи бирликсәп бөлүминиң муавин мудири җу вейчүн йитәкчилик қилған. Тибәт тәрәпкә далай ламаниң америкида турушлуқ вәкили лоди гяри йитәкчилик қилди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.