Тибәт әркинлик паалийәтчилири сәддичин сепилигә тибәткә әркинлик бериш һәққидә лозунка асти


2007-08-07
Share

Тибәт әркинлик тәшкилатиниң ашкарилишичә , тибәт оқуғучилар һәрикити тәшкилатиниң алтә нәпәр әзаси сәйшәнбә күни йәни 7 - авғуст бейҗиңдики сәддичин сепилиға 42 квадрат метир чоңлуқтики лозункиси асқан болуп , лозункиға " пүтүн дуняда бир арзу , 2008 - тибәткә әркинлик " дегән шуар йезилған икән.

Мәзкур шуарни есип сәддичин сепилида намайиш қилған алтә нәпәр тибәт икки саәттин кейин хитай сақчи даирилири тәрипидин тутуп кетилгән .

Франсийә ахбарати мәзкур хәвәргә асасән хитай ташқи ишлар министирлиқиға телефон қилған болсиму , улар мәзкур мәсилә һәққидә ипадә билдүрүшни рәт қилған.

Тибәт тәшкилатлириму һазирчә қолға елинған намайишчи тибәтләрниң дөләт тәвәликини ашкарилимиди.

Бу йил априлдиму америка пуқралиқиға өткән бәш нәпәр тибәт җумулаңма чоққисида тибәтләргә мустәқиллиқ бериш һәққидә шоарларни асқанлиқи үчүн хитай чегрисидин қоғлап чиқирилған иди.

Хитайниң олимпик өткүзүши һарписида тибәт һәрикити дуня миқясида күчәймәктә. Алдинқи ай һиндистанда бир қанчә онлиған тибәтләр бейҗиңниң олимпик өткүзишигә қарши наразилиқ билдүрүп ачлиқ елан қилиш һәрикити елип барди, йеқинда йәнә тибәт тәшкилатлири бирликтә хәлқара олимпик комитетиға, хитайға кишилик һоқуқни яхшилаш һәққидә бесим ишлитиш тәлипини сунған иди. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт