Tibet erkinlik pa'aliyetchiliri seddichin sépilige tibetke erkinlik bérish heqqide lozunka asti


2007-08-07
Share

Tibet erkinlik teshkilatining ashkarilishiche , tibet oqughuchilar herikiti teshkilatining alte neper ezasi seyshenbe küni yeni 7 - awghust béyjingdiki seddichin sépiligha 42 kwadrat métir chongluqtiki lozunkisi asqan bolup , lozunkigha " pütün dunyada bir arzu , 2008 - tibetke erkinlik " dégen shu'ar yézilghan iken.

Mezkur shu'arni ésip seddichin sépilida namayish qilghan alte neper tibet ikki sa'ettin kéyin xitay saqchi da'iriliri teripidin tutup kétilgen .

Fransiye axbarati mezkur xewerge asasen xitay tashqi ishlar ministirliqigha téléfon qilghan bolsimu , ular mezkur mesile heqqide ipade bildürüshni ret qilghan.

Tibet teshkilatlirimu hazirche qolgha élin'ghan namayishchi tibetlerning dölet tewelikini ashkarilimidi.

Bu yil aprildimu amérika puqraliqigha ötken besh neper tibet jumulangma choqqisida tibetlerge musteqilliq bérish heqqide sho'arlarni asqanliqi üchün xitay chégrisidin qoghlap chiqirilghan idi.

Xitayning olimpik ötküzüshi harpisida tibet herikiti dunya miqyasida kücheymekte. Aldinqi ay hindistanda bir qanche onlighan tibetler béyjingning olimpik ötküzishige qarshi naraziliq bildürüp achliq élan qilish herikiti élip bardi, yéqinda yene tibet teshkilatliri birlikte xelq'ara olimpik komitétigha, xitaygha kishilik hoquqni yaxshilash heqqide bésim ishlitish telipini sun'ghan idi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet