Kishilik hoquq teshkilati xitayni qolgha élin'ghan tibetlik ösmürlerni qoyup bérishke chaqirdi
2007.09.21
Merkizi nyuyorktiki kishilik hoquqni közitish teshkilati peyshenbe küni bayanat élan qilip, xitay da'iriliridin gensuning gennen wilayiti labrang nahiyisidiki bir toluqsiz ottura mektepning qolgha élin'ghan 7 neper oqughuchisini derhal qoyup bérishni telep qildi. Labrang nahiyisining amchok bora yézisidiki toluqsiz ottura mektepte oquydighan 14 we 15 yashlardiki bu 7 neper oqughuchi, buningdin ikki hepte ilgiri tibet musteqilliqini qollaydighan we dalay lamaning tibetke qaytip kélishini telep qilidighan tam géziti chaplash weqesi bilen chétishliqi bar, dep tutqun qilin'ghan.
Kishilik hoquqni közitish teshkilatining eskertishiche, saqchi da'iriliri 7 - séntebir etrapida tam géziti chaplash weqesini sürüshtürüsh üchün amchok bora yézisidin 40 nechche oqughuchini tutqun qilip, ularning köp qisimini 48 sa'ettin kéyin qoyup bergen bolsimu ,lékin yuqiriqi 7 neper oqughuchini dawamliq tutup qalghan we saqchilar tutqunlarning ichidiki 14 yashliq bir balini urghan.
Kishilik hoquqni közitish teshkilatining asiya ishliri mudiri bred adams, " ösmürlerni siyasiy jinayetchi, dep qolgha élish tibetning ehwalida qilchilik özgirish bolmighanliqini körsitidu. Bir balini siyasiy jinayetchi, dep urush xitayning xitay rehberliri éghizidin chüshürmeydighan 'inaq jem'iyet' qurushtin burun, qanchilik uzun musapilarni bésishigha toghra kélidighanliqini körsetmekte " deydu.
Kishilik hoquqni közitish teshkilatining eskertishiche, da'iriler bu oqughuchilarni tutqun qilip bir qanche ötkendin kéyin, ularni shu etraptiki labrang nahiye bazirigha élip ketken. Da'iriler shu élip ketkenche ata - anilarning perzentlirini yoqlishigha ruxset qilmighan shundaqla balilarning ehwalidin uchur bérishni ret qilghan. (Erkin)
Munasiwetlik maqalilar
- Dalay lama yéqinda kanadani ziyaret qilghanda tibetning dölet bayriqi chiqirilidu
- Dalay lama gérmaniye ziyaritide an'géla mérkél bilen körüshidu
- Dalay lama amérikining eng aliy " sherep " médali bilen mukapatlinidu
- Dalay lamaning tibetke qaytip kélishini terghip qilghan tibetlik sotlandi
- Béyjing, dalay lamaning warisi chet'elde tughulsa étirap qilmaydighanliqini agahlandurghan
- Xitay tibet aptonom rayonida dalay lamaning tesirini tazilash herikiti qozghidi
- Seddichin sépilide namayish ötküzgen tibetler chégridin qoghlap chiqirildi
- Tibet erkinlik pa'aliyetchiliri seddichin sépilige tibetke erkinlik bérish heqqide lozunka asti
- Tibetlikler 2008- yilliq béyjing olimpik tenheriket yéghinigha qarshi naraziliq bildürdi
- Sichüende dalay lamaning tibetke qaytishini telep qilghan yüzligen tibetlik qolgha élindi