Tibette yüz bergen toqunushta 200 din artuq adem qolgha élindi


2008-03-06
Share

Norwigiyidiki " tibet awazi" radi'osining peyshenbe küni bildürüshiche, ötken ayning 21 ‏- küni tibetning endorégong rayonida saqchilar bilen xelq otturisida toqunush yüz bérip, 200 din artuq tibetlik qolgha élin'ghan, toqunush jeryanida ikki kishi saqchilarning tayaq zerbisidin éghir yarilinip hayatidin ayrilghan.

Xewerde éytilishiche, tibet budda dinining bir yilda bir qétim kélidighan diniy bayrimi munasiwiti bilen, endorégong rayonidiki nechche yüzligen tibetlik yighilish ötküzgen bolup, saqchilar tibetlerni tarqitiwétish üchün ulargha yash aqquzush bombisi atqan we zor kölemde qoralliq saqchi ishlitip qolgha élish herikiti élip barghan.

Qattiq basturushqa chidimighan tibetlikler "tibetke müsteqilliq" "dalay lama yashisun" dégen shu'arlarni waqirap, saqchi mashinilirigha ot qoyuwetken. 30 Din artuq saqchini yarilandurghan.

Qolida héchqandaq qorali bolmighan tibetler, saqchilarning qattiq tayaq zerbisige uchrighan, nöwette urup öltürüwétilgen ikki tibetlikning kimliki téxi éniqlanmighan bolup, hökümet tibetlerning qayta qarshiliq bildürüshining aldini élish üchün rayondiki charlash xizmitini kücheytken. (Eqide)‏

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet