Chingxey-tibet tömür yolidin tunji poyéz mangghuzuldi

Xitayning tibetke tutashturup salghan chingxey-tibet tömür yoli qurulishining pütüp chiqqanliqi munasiwiti bilen -1iyol küni tunji poyéz béyjingdin lasagha qarap mangghuzuldi. Bu poyéz 48 sa'et ichide chingxey-tibet tömür yolliridin ötüp düshenbe küni lasagha yétip baridiken.

Roytérs agéntliqining xewer qilishiche, bu küni yene bir poyéz chingxeyning golmust dégen jayidin yolgha chiqqan. Shundaqla xitay re'isi xu jintaw özi golmustqa kélip bu poyézning yolgha chiqishini közdin köchürgen. Poyéz 13 sa'ettin kéyin yekshenbe küni etigen lasagha yétip barghan.

Xitay hökümiti 1142 kilométir uzunluqtiki bu chingxey-tibet tömür yolini yasash üchün 4 milyart 200 milyon amérika dolliri pul serp qilghan. Shundaqla ular yéqinda yene, kelgüsi 10 yil ichide bu tömür yolni hindistan chégrisighiche uzartidighanliqini melum qildi.

Xitay hökümiti bu tömür yolni tibet rayonining iqtisadini yaxshilash meqstide salghanliqini tekitlep kelsimu, emma tibetning sürgündiki hökümiti we tibet pa'aliyetchiliri, bu rayon'gha téximu köp xitay köchmenlirini yötkesh arqiliq tibetni kontrol qilishning xitay hökümitining heqqiqiy meqsiti ikenlikini tekitlidi. Shundaqla 1‏- iyol küni chikakodiki tibetlikler xitay konsolxanisi aldida mezkur tömür yol qurulishigha qarshi namayish ötküzdi. (Peride)