Хитайдин тебәткә барған тунҗи пойизни тәбриклимәкчи болғанлар ласаға барғанда оксиген йетишмәй һалсизланған

• 
  2006-07-04

Франсийә агентлиқиниң ласадин хәвәр қилишичә, 7 ‏- айниң 4 ‏- күни кәчтә, хитайниң бейҗиң шәһиридин т‏-27 қетимлиқ пойиз 800 нәпәр йолочини елип тибәтниң ласа шәһиригә йетип барған. Бу хитайдин тарихта тунҗи қетим тибәткә барған пойиз болуп һесаблиниду.

Хәвәрдә баян қилинишичә, тарихта тунҗи қетим тибәткә барған бу пойиз ни алаһидә тәбрикләш үчүн хитай өлкилиридин бир қисим кишиләр кәлгән икән. Тарихтики тунҗи қетимлиқ пойизни тәбрикләш үчүн һаҗанлиниватқан бу кишиләр пойиз деңиз йүзидин 5 миң 72 метир игизликтики тангола чоққирилидин өтүватқанда, оксиген йетишмәй һалидин кетидиған игиз тағ кесили' гә гириптар болушқа башлиған.

Һалидин кетип оксиген турубисидин нери кетәлмәй қалған пойиз хизмәтчилиригә йолучилар мулазимәт қилидиған һадисиләр йүз бәргән. Тарихта тунҗи қетим тибәткә барған бу пойиз ни тәбрикләш үчүн алаһидә тәйярлиқ көрүватқан кишиләр ахир ' дуняниң өгзиси' дәп атилидиған тебәт игизликидики ахирқи нишан -‏ ласа вагзалиған йетип кәлгәндә аллиқачан һалсизлинип, тиз қутқузуш үчүн дохтурханиларға елип берилған. (Вәли)