Тибәтлик сиясий мәһбус хитай түрмисидә өлди


2005.02.06

Чәтәлдики тибәт кишилик һоқуқ вә демократийә мәркизиниң ашкарилишичә, муддәтсиз қамақ җазасиға һөкүм қилинған тибәтлик сиясий мәһбус ринзин ваңял өткән йилиниң ахири тибәттики түрмидә өлүп кәткән.

Франсийә ахбарат агентлиқиниң хәвиригә қариғанда, хитай һөкүмәт даирилири техичә ринзиң ваңялниң өлимини ашкарилимиған. Хәвәргә қариғанда, 59 яшқа киргән ринзин ваңял 1966 - йили тибәт мустәқиллиқ һәрикитини қоллиғанлиқи үчүн, хитай һөкүмити тәрипидин қолға елинип, 17 йилдин кейин қоюп берилгән. Хитай һөкүмити 13 йилдин кейин, уни қайта қолға елип, униңға муддәтсиз қамақ җазаси бәргән.

Франсийә ахбарат агентлиқиниң хәвиридә ейтилишичә, гәрчә ринзин ваңялниң түрмидә немә сәвәбтин өлгәнлики техи ениқ болсиму, әмма тибәт кишилик һоқуқ вә демократийә мәркизи, көп қисим тибәт сиясий мәһбуслириниң түрмидики қийин- қистақлар сәвәбидин өлидиғанлиқини көрсәтмәктә.

Уларниң билдүрүшичә, 1987 - йилидин буян аз дегәндә 87 нәпәр тибәт сиясий мәһбуси түрмиләрдә қийнап өлтүрүлгән. Чәтәлдики уйғур кишилик һоқуқ тәшкилатлири, хитай һөкүмитиниң нурғун уйғур сиясий мәһбуслириниму түрмиләрдә қийнап өлтүргәнликини билдүргән иди. Әмма хитай һөкүмити, буни рәт қилип кәлмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.