Tibetlik siyasiy mehbus xitay türmiside öldi


2005.02.06

Chet'eldiki tibet kishilik hoquq we démokratiye merkizining ashkarilishiche, muddetsiz qamaq jazasigha höküm qilin'ghan tibetlik siyasiy mehbus rinzin wangyal ötken yilining axiri tibettiki türmide ölüp ketken.

Fransiye axbarat agéntliqining xewirige qarighanda, xitay hökümet da'iriliri téxiche rinzing wangyalning ölimini ashkarilimighan. Xewerge qarighanda, 59 yashqa kirgen rinzin wangyal 1966 - yili tibet musteqilliq herikitini qollighanliqi üchün, xitay hökümiti teripidin qolgha élinip, 17 yildin kéyin qoyup bérilgen. Xitay hökümiti 13 yildin kéyin, uni qayta qolgha élip, uninggha muddetsiz qamaq jazasi bergen.

Fransiye axbarat agéntliqining xewiride éytilishiche, gerche rinzin wangyalning türmide néme sewebtin ölgenliki téxi éniq bolsimu, emma tibet kishilik hoquq we démokratiye merkizi, köp qisim tibet siyasiy mehbuslirining türmidiki qiyin- qistaqlar sewebidin ölidighanliqini körsetmekte.

Ularning bildürüshiche, 1987 - yilidin buyan az dégende 87 neper tibet siyasiy mehbusi türmilerde qiynap öltürülgen. Chet'eldiki Uyghur kishilik hoquq teshkilatliri, xitay hökümitining nurghun Uyghur siyasiy mehbuslirinimu türmilerde qiynap öltürgenlikini bildürgen idi. Emma xitay hökümiti, buni ret qilip kelmekte. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.