Далай ламаниң вәкиллири бейҗиңдин дарамсалаға қайтти


2004.10.01

Сүргүндики тибәт роһани даһиси далай лама вәкиллириниң сүргүндики тибәт рәһбәрлири билән бейҗиң даирилирини яраштурушни мәхсәт қилған хитайдики бир қанчә һәптилик зиярити җүмә күни ахирлашти.

Далай ламаниң америкида турушлуқ алаһидә вәкили лоди гяри билән явропада турушлуқ алаһидә вәкили келсаң гялтсен җүмә күни бейҗидин һиндистанға қайтип кәлгән.Улар шу күни дарамсаладики тибәт сәргәрдан һөкүмитиниң баш министири самдоң ренпочи билән көрүшүп, бу қетимқи сәпиридин доклат бәргән. Бирақ тибәт сәргәрдан һөкүмити, шимали вә оттура америка әллирини зиярәт қиливатқан далай мала 11 - өктәбирдә ахирлишидиған зиярәт сәпиридин қайтип кәлмигичә, лоди гяриларниң хитайдики зиярәт әһвали тоғрисида баянат елан қилмайдиғанлиқини билдүрди.

Тибәт сәргәрдан һөкүмитиниң әмәлдари топтен сампел, тибәт вәкиллириниң хитайдики зиярәт сәпириниң тәпсили әһвали бейҗиңға барған тибәт вәкиллири далай лама вә тибәт сәргәрдан парламенти билән учрашқандин кейин елан қилиниду дәп көрсәтти. Бейҗиң һөкүмити бир тәрәптин далай лама вәкиллириниң бейҗиңни зиярәт қилишиға йол қоймақта, йәнә бир тәрәптин далай ламани тибәт мустәқиллиқини тәләп қилиш вә бөлгүнчилик билән әйиплимәктә. Бирақ далай лама диний- етиқат вә мәдинийәт әркинлиги асасидики тибәт аптуномийәси тәләп қилидиғанлиқини әскәртип кәлди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.