Dalay lamaning wekilliri béyjingdin daramsalagha qaytti


2004.10.01
Share on WhatsApp
Share on WhatsApp

Sürgündiki tibet rohani dahisi dalay lama wekillirining sürgündiki tibet rehberliri bilen béyjing da'irilirini yarashturushni mexset qilghan xitaydiki bir qanche heptilik ziyariti jüme küni axirlashti.

Dalay lamaning amérikida turushluq alahide wekili lodi gyari bilen yawropada turushluq alahide wekili kélsang gyaltsén jüme küni béyjidin hindistan'gha qaytip kelgen.Ular shu küni daramsaladiki tibet sergerdan hökümitining bash ministiri samdong rénpochi bilen körüshüp, bu qétimqi sepiridin doklat bergen. Biraq tibet sergerdan hökümiti, shimali we ottura amérika ellirini ziyaret qiliwatqan dalay mala 11 - öktebirde axirlishidighan ziyaret sepiridin qaytip kelmigiche, lodi gyarilarning xitaydiki ziyaret ehwali toghrisida bayanat élan qilmaydighanliqini bildürdi.

Tibet sergerdan hökümitining emeldari toptén sampél, tibet wekillirining xitaydiki ziyaret sepirining tepsili ehwali béyjinggha barghan tibet wekilliri dalay lama we tibet sergerdan parlaménti bilen uchrashqandin kéyin élan qilinidu dep körsetti. Béyjing hökümiti bir tereptin dalay lama wekillirining béyjingni ziyaret qilishigha yol qoymaqta, yene bir tereptin dalay lamani tibet musteqilliqini telep qilish we bölgünchilik bilen eyiplimekte. Biraq dalay lama diniy- étiqat we mediniyet erkinligi asasidiki tibet aptunomiyesi telep qilidighanliqini eskertip keldi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.