Далай ламаниң вәкиллири 3 - қетим бейҗиңни мәхпий зиярәт қилди


2004.10.03
Share on WhatsApp
Share on WhatsApp

Тибәтләрниң сүргүндики роһани даһиси далай ламаниң вәкиллири йеқинда бейҗиңдики зияритини ахирлаштуруп, тибәт сәргәрдан һөкүмитиниң мәркизи дарамсалаға қайтип кәлгән иди . Дарамсаладики тибәт сәргәрдан һүкүмитиниң баянатчиси дундуп сампелниң шәнбә күни билдүрүшичә, далай лама вәкиллири бейҗиңдики мәхпий зиярити җәриянида бейҗиң даирилири билән сөһбәт елип барған. Бу қетимқи зиярәткә далай ламаниң америкидики алаһидә әлчиси лоди гяри билән явропа иттипақидики әлчиси келсаң гялтсен йитәкчилик қилған иди. Тибәт сәргәрдан һөкүмити баянатчиси, сөһбәтниң оңушлуқ өткәнлигини әскәртип, зиярәтниң мәхсити бейҗиң даирилири билән мунасивәт қуруш дәп көрсәтти.

Бирақ ройтерз ахбарат агентлиқи, тибәт сәргәрдан һөкүмитиниң бу қетимқи тибәт - хитай сөһбити тоғрисида тәпсили мәлумат бериштин өзини қачурғанлиқини билдүрмәктә. Хәлқара тибәтни һимайә қилиш һәркити мәсуллириниң билдүрүшичә, далай ламаниң вәкиллири икки тәрәп оттурисида түзүлгән келишимгә бойичә бу қетимқи зиярәтни давраң қилмаслиқи мүмкин. Күзәткүчиләр, далай лама вәкиллири бу арқилиқ тибәт сәргәрдан һөкүмитиниң аммиви ишлар вә ташқи мәсилиләрни бир тәрәп қилиш җәһәттики иқтидарини көрситишкә тиришиватиду дәп көрсәтти. Бу арида хитай сақчилири чиңхәйдики тибәтләр олтурақлашқан гуло тибәт аптоном областиниң тудун ибадәтханисидики бир тибәт раһипни етивәткән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.