Dalay lamaning wekilliri 3 - qétim béyjingni mexpiy ziyaret qildi


2004.10.03
Share on WhatsApp
Share on WhatsApp

Tibetlerning sürgündiki rohani dahisi dalay lamaning wekilliri yéqinda béyjingdiki ziyaritini axirlashturup, tibet sergerdan hökümitining merkizi daramsalagha qaytip kelgen idi . Daramsaladiki tibet sergerdan hükümitining bayanatchisi dundup sampélning shenbe küni bildürüshiche, dalay lama wekilliri béyjingdiki mexpiy ziyariti jeriyanida béyjing da'iriliri bilen söhbet élip barghan. Bu qétimqi ziyaretke dalay lamaning amérikidiki alahide elchisi lodi gyari bilen yawropa ittipaqidiki elchisi kélsang gyaltsén yitekchilik qilghan idi. Tibet sergerdan hökümiti bayanatchisi, söhbetning ongushluq ötkenligini eskertip, ziyaretning mexsiti béyjing da'iriliri bilen munasiwet qurush dep körsetti.

Biraq roytérz axbarat agéntliqi, tibet sergerdan hökümitining bu qétimqi tibet - xitay söhbiti toghrisida tepsili melumat bérishtin özini qachurghanliqini bildürmekte. Xelqara tibetni himaye qilish herkiti mes'ullirining bildürüshiche, dalay lamaning wekilliri ikki terep otturisida tüzülgen kélishimge boyiche bu qétimqi ziyaretni dawrang qilmasliqi mümkin. Küzetküchiler, dalay lama wekilliri bu arqiliq tibet sergerdan hökümitining ammiwi ishlar we tashqi mesililerni bir terep qilish jehettiki iqtidarini körsitishke tirishiwatidu dep körsetti. Bu arida xitay saqchiliri chingxeydiki tibetler olturaqlashqan gulo tibet aptonom oblastining tudun ibadetxanisidiki bir tibet rahipni étiwetken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.