Xitaylar amérika kéngesh palatasining telipini ret qildi

2004-12-10
Élxet
Pikir
Share
Print

Xitay tashqi ishlar ministirliqi, amérika kengesh palatasining tibet rahibi tenzin rinpochini qoyup bérish toghrisidiki chaqiriqini ret qildi.

Xitay tashqi ishlar ministirliqining bayanatchisi jang chiyö, jüme küni ötküzülgen muxbirlarni kütüwélish yighinida, xitay edliye organlirining tibet rahibini ölüm jazasigha höküm qilghanliqini aqlap, tenzin rénpochining partlitish élip bérish we döletni parchilash jinayiti sadir qilghanliqini ilgiri sürdi. Jang chiyö, amérika kéngesh palatasining chaqiriqini jinayetchilerning dumbiqini chélish, dep eyibligen.

Xitay hökümiti 2002 - yili 12 - ayda tibet rahibi tenzin rénpochi bilen losang donduplarni térrorchiliq qilish jinayet bilen eyiblep, ölüm jazasigha höküm qilghan . Losang dondupni 2003 - yili 1 - ayda étip tashlighan. Tenzin rénpochining ölüm jazasini ikki yil kéchiktürüp ijra qilishni buyrughan idi.

Amérika kéngesh palatasi charshenbe küni qarar maqullap, tenzin rénpochini qoyup bérishni telep qilghan. Kéngesh palata e'azsi sam bronbék, "hazir xitay hökümitining xitayning tibettiki ishghaliyitige bolghan qarshiliqini tinch yollar bilen ipadilewatqan gunahsiz tibetlerni jazalashni toxtitidighan waqti keldi" dep tekitligen.

Xitay hökümiti tibetni 1950 - yili ishghal qiliwalghan .Hazir hindistanda sürgündiki tibet rohani dahisi dalay lama, tibet hökümiti bilen birge 1959 - yili hindistan'gha qéchip chiqqan. (Erkin)

Pikirler (0)
Share
Toluq bet