خىتاي دالاي لامانى "دىنىي توقۇنۇشقا قۇتراتقۇلۇق قىلدى" دەپ ئەيىبلىدى
2006.05.10
خىتاي ھۆكۈمىتى چارشەنبە كۈنى تىبەتلەرنىڭ سۈرگۈندىكى دىنىي داھىسى دالاي لامانى تىبەت ئاپتونوم رايونىدىكى "دىنىي توقۇنۇشقا قۇتراتقۇلۇق قىلدى" دەپ ئەيىبلىدى.
شىنخۇا ئاگېنتلىقى بۇ ھەقتىكى خەۋىرىدە، 3-ئايدا لاسادىكى بىر بۇدخانىنىڭ ئىچىدىكى بۇدلارنى بۇزۇپ-چېقىش ۋەقەسىنىڭ دالاي لامانىڭ قۇتراتقۇلۇقى بىلەن يۈز بەرگەنلىكىنى بىلدۈرگەن. لاسا شەھەر باشلىقى نوربۇ دۇنجوب مەزكۇر ئاگېنتلىققا " بۇ ۋەقە دالاي لامانىڭ كۈشكۈرتىشى بىلەن يۈز بەرگەن. ئۇنىڭ مەقسىدى تىبەت بۇددىزىمىدىكى ئوخشىمىغان مەزھەپلەر ئارىسىدا توقۇنۇش پەيدا قىلىش" دېگەن.
خىتاينىڭ تىبەت ئاپتونوم رايونىدىكى پارتكوم سېكرىتارى جاڭ چىڭلى، " دالاي لامانىڭ بۇ ھەرىكىتى، دىنىي ئېتىقادچىلارنىڭ ئەركىنلىكىگە دەخلى-تەرۈز قىلغانلىق" دەپ كۆرسەتتى.
مەزكۇر بۇدخانىغا ئورۇنلاشتۇرۇلغان بۇد تىبەت بۇددىزىمىنىڭ باشقا بىر مەزھىپى چوقۇنىدىغان بۇد بولۇپ، بۇنى دالاي لاما تىبەت بۇددىزىمىدىكى بىر ئايرىمىچى كۈچ دەپ ئەيىبلەيدىكەن. ئەمما خىتاينىڭ دالاي لاما توغرىسىدىكى بۇ ئەيىبلەشلىرىگە قارىتا، دالاي لامانىڭ دارامسالادىكى ھۆكۈمىتى تېخى ئىنكاس قايتۇرمىدى. (پەرىدە)
مۇناسىۋەتلىك ماقالىلار
كۆپ كۆرۈلگەن خەۋەرلەر
RFA
- ئەنگلىيە ھۆكۈمىتى ئۇيغۇر قۇللۇق ئەمگىكى سەۋەبىدىن خىتايدا ئىشلەنگەن كۈنتاختىلارنى چەكلەيدىغانلىقىنى ئېلان قىلدى
- گېرمانىيەنىڭ ئەڭ چوڭ خىمىيە سانائىتى شىركىتى قاتتىق ئەيىبلەشلەردىن كېيىن ئۇيغۇر رايونىدىن ئايرىلغانلىقىنى ئېلان قىلدى
- ئەركىن ئاسىيا رادىيوسى ئۇيغۇر بۆلۈمى: خىتاينىڭ ئۇيغۇرلار ئۈستىدىكى شەپقەتسىز ھۆكۈمرانلىقىنىڭ زۇلمەتلىرىنى يېرىپ ئۆتكۈچى نۇر
- ۋىدىيو – ئەركىن ئاسىيا رادىيوسى ئۇيغۇر بۆلۈمى: خىتاينىڭ ئۇيغۇرلار ئۈستىدىكى شەپقەتسىز ھۆكۈمرانلىقىنىڭ زۇلمەتلىرىنى يېرىپ ئۆتكۈچى نۇر
- خىتاي ھۆكۈمىتى ئامېرىكا بىلەن خىتاي ئارىسىدىكى سودا ئۇرۇشىنىڭ ئاقىۋىتىدىن قاتتىق ئەندىشە قىلماقتا