Хитай бушниң далай лама билән көрүшкәнликигә наразилиқ билдүрди


2007-10-17
Share

Сәйшәнбә күни америка президенти җорҗ буш тибәтләрниң роһаний даһийси далай лама һәзрәтни ақсарайда қобул қилған болуп, хитай таш ишлар министирлиқи баянатчиси лю җйәнчав баянат елан қилип бушниң далай ламани қобул қилғанлиқи: " хитайниң ички ишлириға қопаллиқ билән арилашқанлиқ" деди.

Далай лама, җор буш билән учришип болғандин кейин, хитайниң бу инкаслириға қарита өз қаришини ипадиләп: "бу даим йүз берип туридиған иш" деди.

Бурун бәлгиләнгини буйичә, 17- өктәбир чаршәнбә күни, америка пайтәхти вашингтонда, далай ламаға авам-пуқраға берилидиған әң юқири дәриҗилик шәрәп медали: алтун медал тәқдим қилиш мурасими өткүзүлди, америка президенти җорҗ буш бүгүн мәзкур мурасимиға қатнашти вә тәбрик сөзи қилди.

Бирләшмә агентлиқида бу һәқтә берилгән хәвәрдә хитай ташқи ишлар министирлиқи баянатчиси лю җйәнчавниң баянатидин нәқил елип көрситишичә, лю җйәнчав: "хитай һөкүмити буниңға күчлүк наразилиқ билдүриду вә қаттиқ қарши туриду. Хитай тәрәп америка тәрәпкә кәскин наразилиқини ипадилиди" деди.

Хитай әмәлдарлири америка һөкүмити саһибхан болған мәзкур медал тәқдим қилиш мурасимиға һәрхил наразилиқ пикирлирини ипадиләп келиватқан болуп, алдинқи күни хитай ташқи ишлар министири яң җйечи америка тәрәптин бу шәрәп медалини далай ламаға беришни бикар қилишни тәләп қилған иди. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт