Xitay bushning dalay lama bilen körüshkenlikige naraziliq bildürdi


2007-10-17
Share

Seyshenbe küni amérika prézidénti jorj bush tibetlerning rohaniy dahiysi dalay lama hezretni aqsarayda qobul qilghan bolup, xitay tash ishlar ministirliqi bayanatchisi lyu jyenchaw bayanat élan qilip bushning dalay lamani qobul qilghanliqi: " xitayning ichki ishlirigha qopalliq bilen arilashqanliq" dédi.

Dalay lama, jor bush bilen uchriship bolghandin kéyin, xitayning bu inkaslirigha qarita öz qarishini ipadilep: "bu da'im yüz bérip turidighan ish" dédi.

Burun belgilen'gini buyiche, 17- öktebir charshenbe küni, amérika paytexti washin'gtonda, dalay lamagha awam-puqragha bérilidighan eng yuqiri derijilik sherep médali: altun médal teqdim qilish murasimi ötküzüldi, amérika prézidénti jorj bush bügün mezkur murasimigha qatnashti we tebrik sözi qildi.

Birleshme agéntliqida bu heqte bérilgen xewerde xitay tashqi ishlar ministirliqi bayanatchisi lyu jyenchawning bayanatidin neqil élip körsitishiche, lyu jyenchaw: "xitay hökümiti buninggha küchlük naraziliq bildüridu we qattiq qarshi turidu. Xitay terep amérika terepke keskin naraziliqini ipadilidi" dédi.

Xitay emeldarliri amérika hökümiti sahibxan bolghan mezkur médal teqdim qilish murasimigha herxil naraziliq pikirlirini ipadilep kéliwatqan bolup, aldinqi küni xitay tashqi ishlar ministiri yang jyéchi amérika tereptin bu sherep médalini dalay lamagha bérishni bikar qilishni telep qilghan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet