Далай лама олимпик мунасивити билән хитайни әйиблиди


2008-03-10
Share

Тибәтләрниң роһаний даһийси далай лама 10 - март дүшәнбә күни хитай һөкүмитиниң тибәт районида йүргүзүватқан кишилик һоқоқ дәпсәндичиликлирини қаттиқ әйиблиди вә бу районларда елип бериливатқан дәпсәндичиликләрни "адәм әқлигә сиғмайдиған дәриҗидә еғирлашти" деди.

У франсийә агентлиқиға нәқил елинишичә у" кишилик һоқуқни еғир дәриҗидә дәпсәндә қилиш, диний әркинликни чәкләш вә диний етиқадни сиясийлаштуруш вә бастуруш изчил давам әтмәктә” деди.

Далай лама бу сөзләрни дарамсалада билдүргән болуп, мәлум болушичә, у муәййән дәриҗидә аччиқланған болуп, у йәнә: “ буларниң һәммиси хитай һөкүмитиниң тибәт хәлқини пәқәт һөрмәт қилмайдиғанлиқидин болған ” дегән.

У йәнә, немә иш йүз беришидин қәтий нәзәр өзиниң тибәткә алий аптономийә тәләп илиш нийитидин янмайдиғанлиқини билдүргән.

У йәнә, хитайда бу йил язда өткүзилидиған олимпик йиғини һәққидә тохтилип: “ хәлқара җәмийәт хитайға тәнһәрикәтчи әвәтишниң орниға кишилик һоқуқ мәсилисини хитай һөкүмитиниң есигә селиши керәк, хитай хәлқиғә әркинликләрни бериш арқилиқ өзиниң бир яхши саһибхан икәнликини испатлаш керәк" дегән.

Алдинқи күни далай лама бейҗиң олимпикини байқут қилиш идийисини рәт қилған иди. (Җүмә)‏

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт