Dalay lama olimpik munasiwiti bilen xitayni eyiblidi


2008-03-10
Share

Tibetlerning rohaniy dahiysi dalay lama 10 - mart düshenbe küni xitay hökümitining tibet rayonida yürgüzüwatqan kishilik hoqoq depsendichiliklirini qattiq eyiblidi we bu rayonlarda élip bériliwatqan depsendichiliklerni "adem eqlige sighmaydighan derijide éghirlashti" dédi.

U fransiye agéntliqigha neqil élinishiche u" kishilik hoquqni éghir derijide depsende qilish, diniy erkinlikni cheklesh we diniy étiqadni siyasiylashturush we basturush izchil dawam etmekte” dédi.

Dalay lama bu sözlerni daramsalada bildürgen bolup, melum bolushiche, u mu'eyyen derijide achchiqlan'ghan bolup, u yene: “ bularning hemmisi xitay hökümitining tibet xelqini peqet hörmet qilmaydighanliqidin bolghan ” dégen.

U yene, néme ish yüz bérishidin qet'iy nezer özining tibetke aliy aptonomiye telep ilish niyitidin yanmaydighanliqini bildürgen.

U yene, xitayda bu yil yazda ötküzilidighan olimpik yighini heqqide toxtilip: “ xelq'ara jem'iyet xitaygha tenheriketchi ewetishning ornigha kishilik hoquq mesilisini xitay hökümitining ésige sélishi kérek, xitay xelqighe erkinliklerni bérish arqiliq özining bir yaxshi sahibxan ikenlikini ispatlash kérek" dégen.

Aldinqi küni dalay lama béyjing olimpikini bayqut qilish idiyisini ret qilghan idi. (Jüme)‏

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet