خىتاي ئارمىيىسى نېپالغا قاچقان تىبەتلىكلەرنى يەنە ئوققا تۇتتى
2007.10.31
فرانسىيە ئاگېنتلىقىنىڭ كاتماندودىن خەۋەر قىلىشىچە، 10 ئاينىڭ 18 - كۈنى، تىبەتتىن نېپالغا قاچقان 46 نەپەر كىشىنىڭ 36 سى نېپالغا يېتىپ كەلگەن. ئورگىنى ۋاشىنگتوندىكى تېبەت ھەرىكىتى ۋە دارامسالادىكى تېبەت تەشكىلاتلىرىنىڭ ئېنىقلىشىچە، كوممۇنىست زۇلۇمىغا چىدىماي تىبەتتىن قاچقان كىشىلەر شاڭبالا تاغ ئېغىزىغا كەلگەندە، كوممۇنىست خىتاي ئارمىيىسى ئۇلارنى ئوققا تۇتقان.
ھازىر 9 ئادەمنىڭ ئىز -دېرىكى يوق. ئەمما كېيىن مەلۇم بولۇشىچە، 3 ئادەمنى خىتاي قوشۇنلىرى تۇتۇۋالغان. خىتاي ئارمىيىسى 2006 - يىلىدىمۇ مۇشۇ تاغ ئېغىزىدا تىبەتتىن نېپالغا قاچقان 75 ئادەمگە ئوق چىقىرىپ، 2 ئادەمنى ئېتىپ ئۆلتۈرگەن ئىدى.
تېبەت كىشىلىك ھوقۇق تەشكىلاتلىرىنىڭ بايان قىلىشىچە، ھازىر كوممۇنىست خىتاينىڭ كونتروللۇقىدىكى تىبەتتىن ھەر يىلى ئىككى-ئۈچ مىڭ ئادەم نېپالغا قېچىپ كېلىپ پاناھلىق تىلەۋاتىدۇ.
ئۇلارنىڭ كۆپىنچىسى تۈرمىگە ئېلىنىپ ئازاپلانغان ياكى خىتاينىڭ 'ۋەتەنپەرۋەرلىك تەربىيىسى' گە چىداشلىق بېرەلمىگەن راھىپلار ۋە 18 ياشتىن تۆۋەن ئۆسمۈرلەر. بىرلەشكەن دۆلەتلەر تەشكىلاتىنىڭ مۇساپىرلار ئورگىنى ئۇلارنى تىزىملاپ، ياردەم بەرگەندىن كېيىن دارامسالادىكى مۇھاجىرەتتىكى تېبەت ھۆكۈمىتىگە ئۆتكۈزۈپ بېرىۋاتىدۇ. (ۋەلى)
مۇناسىۋەتلىك ماقالىلار
- خىتاي ئامېرىكىنىڭ دالاي لاماغا ئالتۇن مېدال بېرىش قارارىغا قاتتىق نارازىلىق بىلدۈردى
- خىتاي، تىبەت دىنىي رەھبەرلىرىنىڭ خىتاي ھۆكۈمىتىدىن رۇخسەتسىز سايلىنالمايدىغانلىقىنى بەلگىلىدى
- كىشىلىك ھوقۇق تەشكىلاتى خىتاينى قولغا ئېلىنغان تىبەتلىك ئۆسمۈرلەرنى قويۇپ بېرىشكە چاقىردى
- دالاي لاما يېقىندا كانادانى زىيارەت قىلغاندا تىبەتنىڭ دۆلەت بايرىقى چىقىرىلىدۇ
- دالاي لاما ئامېرىكىنىڭ ئەڭ ئالىي " شەرەپ " مېدالى بىلەن مۇكاپاتلىنىدۇ
- دالاي لامانىڭ تىبەتكە قايتىپ كېلىشىنى تەرغىپ قىلغان تىبەتلىك سوتلاندى
- بېيجىڭ، دالاي لامانىڭ ۋارىسى چەتئەلدە تۇغۇلسا ئېتىراپ قىلمايدىغانلىقىنى ئاگاھلاندۇرغان
- خىتاي تىبەت ئاپتونوم رايونىدا دالاي لامانىڭ تەسىرىنى تازىلاش ھەرىكىتى قوزغىدى
- سەددىچىن سېپىلىدە نامايىش ئۆتكۈزگەن تىبەتلەر چېگرىدىن قوغلاپ چىقىرىلدى