Хитай армийиси непалға қачқан тибәтликләрни йәнә оққа тутти


2007-10-31
Share

Франсийә агентлиқиниң катмандодин хәвәр қилишичә, 10 айниң 18 ‏- күни, тибәттин непалға қачқан 46 нәпәр кишиниң 36 си непалға йетип кәлгән. Оргини вашингтондики тебәт һәрикити вә дарамсаладики тебәт тәшкилатлириниң ениқлишичә, коммунист зулумиға чидимай тибәттин қачқан кишиләр шаңбала тағ еғизиға кәлгәндә, коммунист хитай армийиси уларни оққа тутқан.

Һазир 9 адәмниң из -дерики йоқ. Әмма кейин мәлум болушичә, 3 адәмни хитай қошунлири тутувалған. Хитай армийиси 2006 ‏- йилидиму мушу тағ еғизида тибәттин непалға қачқан 75 адәмгә оқ чиқирип, 2 адәмни етип өлтүргән иди.

Тебәт кишилик һоқуқ тәшкилатлириниң баян қилишичә, һазир коммунист хитайниң контроллуқидики тибәттин һәр йили икки-үч миң адәм непалға қечип келип панаһлиқ тиләватиду.

Уларниң көпинчиси түрмигә елинип азапланған яки хитайниң 'вәтәнпәрвәрлик тәрбийиси' гә чидашлиқ берәлмигән раһиплар вә 18 яштин төвән өсмүрләр. Бирләшкән дөләтләр тәшкилатиниң мусапирлар оргини уларни тизимлап, ярдәм бәргәндин кейин дарамсаладики муһаҗирәттики тебәт һөкүмитигә өткүзүп бериватиду. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт