Xitay, yéngi yasalghan tömür yoli arqiliq tibetke esker ewetishke bashlidi


2007-12-01
Share

Xitay metbu'ati, xitay da'irilirining tunji qétim yéngi yasalghan yoquri sür'etlik tömür yoli arqiliq tibetke herbiy üsküne we esker yütkigenlikini xewer qildi. Xewerde éytilishiche, xitay azatliq armiyisining munasiwetlik xadimliri, tibetke herbiy qisim yötkesh mesiliside, yéngi yasalghan tömür yolining, asasliq transport qoraligha aylan'ghanliqini tekitligen.

Xitay hökümiti, bu tömür yolining tibetning iqtisadiy tereqiyatigha muhim hesse qoshidighanliqini bildürgen idi. Lékin, tibet pa'aliyetchiliri we tibet herikitini qollaydighan teshkilatlar, mezkur tömür yolining tibetning milliy medeniyitining téximu köp ziyan'gha uchrishishigha seweb bolidighanliqini tekitlep, bu tömür yolining tibetning milliy kimliki üchün tehdit ikenlikini jakarlighan.

Xewerlerge qarighanda, dégendek,17 ay burun resmi xizmetke bashlighan bu tömür yoli, xitayning ichkiri ölkiliridin tibetke kéliwatqan xitay köchmenlirining sanining köpiyishige seweb bolghan. Xitay da'irilirining tibet yoquri sür'etlik tömür yolini yasash mezgilide wede qilghandek, bu tömür yoli arqiliq tibetke sayahetchi emes, tibetke xitay azatliq armiye qisimlirini yötkeshke bashlighanliqi, tibet pa'aliyetchilirining xitay hökümitining tibet tömür yolini yasashtiki asasliq meqsidi heqqidiki guman we endishilirini téximu kücheytmekte.

Shinxu'a agéntliqining xewer qilishiche, nöwette, xitayning ichkiri ölkiliridin tibetke ewetilidighan tawarlarning 75 pirsenti mushu tömür yoli arqiliq, ewetilidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet